Нано шинжлэх ухаан, инженерчлэл

СУРГАЛТЫН ХӨТӨЛБӨР

1. Хөтөлбөрийн дэд хорооны нэр

Инженер, технологийн сургууль, Хими, биологийн инженерчлэлийн тэнхим, Хөтөлбөрийн хороо

2. Хөтөлбөрийн нэр

            Нано шинжлэх ухаан, инженерчлэл

3. БШУЯ-наас баталсан мэргэжлийн индекс (ЮНЕСКО-ийн ангилал)

            D 078801

4. Хөтөлбөрийн хураангуй

Нано шинжлэх ухаан, инженерчлэл хөтөлбөрийн гол зорилго нь хими, физик, биологийн шинжлэх ухаануудын цогц ухаан болох нанотехнологийн суурь судалгаа болон ахисан түвшний судалгаануудыг судлан хэрэглээний, үйлдвэрлэлийн салбарт мэргэжилтэн бэлтгэхэд оршино.

5. Хөтөлбөрийг эрхлэн явуулах нэгж

            Хими, биологийн инженерчлэлийн тэнхим

6. Тухайн хөтөлбөр хэрэгжих эхлэх/хэрэгжиж эхэлсэн он сар

            2014 оны 1-р улирал

I. ХӨТӨЛБӨРИЙН ДЭЛГЭРЭНГҮЙ МЭДЭЭЛЭЛ

Хөтөлбөрийн үндэслэл:

А. ШУ-ны хөгжил болон хөдөлмөрийн зах зээлийн хэрэгцээ шаардлага

Дэлхийн эдийн засаг, үйлдвэрлэлийн хөгжлийн шинэ эрин үеийн гол түлхүүр болж буй Нано шинжлэх ухаан, нанотехнологи нь эрчимтэй хөгжин, эрдэмтэн судлаачид өдрөөс өдөрт олон шинэ нээлт гаргахын зэрэгцээ хөгжил маш хурдацтайгаар урагшилсаар байна.

Нанотехнологийн судалгааны хандлага, хөгжлийн хэтийн төлөв, ололт амжилтуудыг материал судлал, анагаах ухаан, эрчим хүч, оптик, электроник, компьютер, байгаль орчны болон бусад дэд бүтцийн хэрэглээний салбаруудад ашиглаж, үр дүнг нь зөв үнэлэн хөгжүүлэх, бүтээгдэхүүн болгож зах зээлд гаргах явдал нь улс орон бүрийн өмнөө тавих зорилго болж байна.

Б. Элсэгч/оюутны эрэлт хэрэгцээ

Одоогоор байгалийн шинжлэх ухааны цогц ухаан болох Нано шинжлэх ухаан, нанотехнологи, нано инженерчлэлийн чиглэлээр Монгол улсын хэмжээнд мэргэжилтэн бэлтгэж эхлээгүй байгаа бөгөөд Монголчууд бидний хувьд ч оюун ухаан, эрдэм мэдлэгийнхээ үндсэн дээр дэлхий дахинтай хөл нийлүүлэн энэхүү дэвшилтэт шинэ технологийг бүтээх явдалд оролцох, мэргэжилтэн бэлтгэх нь яах аргагүй гол зорилт мөн юм.