Судалгаа
Эрдэм шинжилгээний төсөл
Инженер, Технологийн Сургууль нь Монгол-Японы засгийн газрын хооронд байгуулагдсан инженерийн боловсролыг дэмжих “1000 инженер”, Европын холбооны ERASMUS+ төсөл, JAICA хамтын ажиллагааны болон Олон улсын цөмийн аюулгүйн ажиллагааны газар, БСШУЯ, ШУТСангийн санхүүжилттэй төслүүд, МУИС-ийн дотоод санхүүжилтийн төслүүд болон Оюу толгой, Таван толгой, Эрдэнэт ТӨҮГ гэх мэт үйлдвэр, уул уурхайн компаниудтай хамтарсан төслүүдийг гүйцэтгэж байна.
“Tackling the Climate change through Modernizing Environmental Engineering program”- TACMEE
“Хүрээлэн буй орчны инженерийн хөтөлбөрийг шинэчилж уур амьсгалын өөрчлөлтийг сааруулах нь”
619413-EPP-1-2020-1-HU-EPPKA2-CBHE-JP
Европын холбооны Эрасмус+ хөтөлбөрөөр санхүүжиж буй “Хүрээлэн буй орчны инженерчлэлийн хөтөлбөрийг шинэчилж уур амьсгалын өөрчлөлтийг сааруулах нь” төсөл манай орны хүрээлэн буй орчин, инженерчлэлийн салбарт тулгамдаж буй асуудлыг шийдвэрлэхэд мэргэжлийн хөтөлбөрийн сургалтын чанарыг сайжруулах зорилготой. Төсөл хэрэгжих гурван жилийн хугацаанд хамтрагч сургуулиуд дээр хэрэгжиж буй “Хүрээлэн буй орчны инженерчлэл” хөтөлбөрийг орчин үеийн чиг хандлага, техник, технологийн дэвшил болон хөдөлмөрийн зах зээлийн эрэлтэд нийцүүлж хүрээлэн буй орчин болон инженерчлэлийн салбарт тулгамдаж буй асуудлыг шийдвэрлэхэд шаардлагатай мэдлэг, чадвар, хандлагыг суралцагчдад төлөвшүүлэх, энэ чиглэлийн сургалт, судалгааны дэд бүтэц болон хүний нөөцийг чадавхжуулахад чиглэгдэнэ.
Тус төсөлд Сегедийн их сургууль (Унгар), Оулугийн их сургууль (Финлянд), Монгол улсын их сургууль, Монгол Германы хамтарсан технологийн их сургууль, Хөдөө аж ахуйн их сургуулийн Агроэкологи бизнесийн сургууль хамтран оролцож байна.
Энэхүү төслийн хүрээнд МУИС-ийн Инженер, технологийн сургуульд хэрэгжиж буй “Хүрээлэн буй орчны инженерчлэл”-ийн бакалаврын хөтөлбөрийг шинэчлэх, магистрын сургалтын хөтөлбөрийг боловсруулж хэрэгжүүлэх, “Хүрээлэн буй орчны инженерчлэл” -ийн сургалтын лабораторийн гарын авлага, тоног төхөөрөмжөөр хангах ажлуудыг хийж гүйцэтгэсэн. Төслийн үйл ажиллагаа болон үр дүнг эндээс (https://tacmee.eu/) дэлгэрүүлж харна уу.
Зарим үр дүн, үйл ажиллагаа
2024/12/25 - ХҮРЭЭЛЭН БУЙ ОРЧНЫ ИНЖЕНЕРЧЛЭЛ хөтөлбөр маань 5 жилийн хугацаатай магадлан итгэмжлэгдлээ.
“Хүрээлэн буй орчны инженерчлэл” оюутны эрдэм шинжилгээ, онол практикийн V бага хурал амжилттай зохион байгуулагдлаа.
2023/05/10 - Финляндын Оулугийн их Сургуулийн Микроэлектроникийн судалгааны багийнхан нээлттэй лекц зохион байгуулав.
2023/05/16 - “Towards Green Future with Structured Catalysts” сэдэвт нээлттэй лекцийг амжилттай зохион байгуулав.
2022/06/02 - “ЕВРОПЫН ӨДӨРЛӨГ”-т Erasmus+TACMEE, Erasmus+ARTEST төслүүд амжилттай оролцлоо.
