Захирлын мэндчилгээ

Эрхэм хүндэт багш, ажилтан, оюутан залуус, хамтран ажиллагч байгууллагууд аа,

Та бүхэндээ энэ өдрийн мэндийг өргөн дэвшүүлье.

МУИС-ийн Инженер, Технологийн Сургууль нь мэдлэг, ур чадвар, инновацыг эрхэмлэн хөгжүүлж, улс орны хөгжилд бодит хувь нэмэр оруулах чадварлаг инженер, судлаачдыг бэлтгэх эрхэм зорилгын дор үйл ажиллагаагаа явуулж байна. Бид сургалт, судалгаа, үйлдвэрлэл, хамтын ажиллагааг уялдуулан хөгжүүлэхэд онцгой анхаарч, орчин үеийн шинжлэх ухаан, технологийн дэвшлийг сургалтын үйл явцдаа нэвтрүүлэхийг зорьж байна.

Манай хамт олон багш, судлаачдын эрдэм шинжилгээний бүтээл, оюутнуудын сурлагын амжилт, инновацын санаачилга бүрээр бахархаж, цаашид ч чанартай боловсрол, тогтвортой хөгжилд чиглэсэн бодлогоо тууштай хэрэгжүүлэх болно.

Ирээдүйг бүтээх инженер, технологичдыг бэлтгэх энэ эрхэм үйлсэд сэтгэл, зүтгэл гарган хамтран ажиллаж буй та бүхэнд талархал илэрхийлье. Та бүхэнд эрүүл энх, ажил үйлсэд тань өндөр амжилт хүсье.

Хүндэтгэсэн,
Ч.Сономдагва
МУИС-ийн Инженер, Технологийн Сургуулийн захирал