Химийн инженерчлэл

ХӨТӨЛБӨРИЙН ЕРӨНХИЙ МЭДЭЭЛЭЛ

1. Хөтөлбөрийн дэд хорооны нэр

ИТС, Хими, биологийн инженерчлэлийн тэнхимийн хөтөлбөрийн хороо

2. Хөтөлбөрийн нэр: Химийн инженерчлэл

3. БШУЯ-наас баталсан мэргэжлийн индекс (ЮНЕСКО-ийн ангилал) D 071101

4. Хөтөлбөрийн хураангуй

Математик болон бусад шинжлэх ухааны өргөн мэдлэгтэй, үйлдвэрийн процессын онолын үндэс тооцооллыг эзэмшсэнээр процессыг удирдах, үнэлэх чадвар эзэмшсэн, үйлдвэрийн тоног төхөөрөмжийн дизайн хийх, үйлдвэрлэлийн үр ашиг, эрсдэлийн менежмент хийх чадвар бүхий химийн инженер мэргэжилтэн бэлтгэхэд энэхүү сургалтын хөтөлбөр чиглэгдэнэ. Хөтөлбөрийн хүрээнд дараах үндсэн чиглэлүүдэд сургалтыг төвлөрүүлэн явуулах болно.

• Үйлдвэрийн хими

• Процесс аппарат

• Материал болон энергийн баланс

• Химийн инженерийн термодинамик процесс ба хяналт

• Реактор дизайн

• Интегратэд био болон нано платформ

5. Хөтөлбөрийг эрхлэн явуулах нэгж:   Хими, биологийн инженерчлэлийн тэнхим

6. Тухайн хөтөлбөр хэрэгжих эхлэх/хэрэгжиж эхэлсэн он сар: 2014 оны 1-р улирал

ХӨТӨЛБӨРИЙН ДЭЛГЭРЭНГҮЙ МЭДЭЭЛЭЛ

А. ШУ-ны хөгжил болон хөдөлмөрийн зах зээлийн хэрэгцээ шаардлага

Монгол улсын засгийн газар нь төрийн бодлогын хүрээнд эрдэс болон бусад түүхий эдэд тулгуурласан боловсруулах үйлдвэр байгуулах, аж үйлдвэрийг төвлөрүүлэх, нэмүү өртөг шингэсэн экспортын бүтээгдэхүүнийг нэмэгдүүлэх зэрэг зорилтот хөтөлбөрүүдийг хэрэгжүүлэхээр төлөвлөж байгаа болно. Дээрх зорилтот хөтөлбөрийн хүрээнд байгуулагдах үйлдвэрүүдэд химийн инженер мэргэжилтэн шаардлагатай байгаа тул засгийн газраас уг мэргэжилтэнг бэлтгэхэд бодлогоор дэмжиж байгаа юм. Химийн инженер мэргэжлийн хүрээнд реактор болон процессын тооцоолол, дизайнчлал хийх судалгааны ажлууд хийгддэг бөгөөд энэ нь Монгол улсын хувьд хөгжүүлэх шаардлагатай инженерийн судалгааны шинэ салбар болох юм. Химийн инженерчлэл мэргэжил эзэмшигч нь:

• Эрдэм шинжилгээний байгууллага хүрээлэнд

• Үйлдвэр аж ахуйн газруудын шинжилгээ төлөвлөлтийн лабораторид

• Бүх төрлийн химийн болон бусад аж үйлдвэрт

• Их дээд сургуульд

• Бизнес хөрөнгө оруулалтын компаниудад ажиллах боломжтой.

Б. Элсэгч/оюутны эрэлт хэрэгцээ

2014 онд Монгол улсын Засгийн газраас тогтоосон нэн тэргүүнд хөгжүүлэх шаардлагатай, эрэлт ихтэй мэргэжлийн жагсаалтад багтсан мэргэжил болно.