Цөмийн инженерчлэл

ЕРӨНХИЙ МЭДЭЭЛЭЛ

1. Хөтөлбөрийн дэд хорооны нэр: Хими, биологийн инженерчлэлийн  тэнхимийн хөтөлбөрийн хороо 

2. Хөтөлбөрийн нэр: Цөмийн инженерчлэл, “Инженерийн бакалавр”

3. БШУЯ-наас олгосон мэргэжлийн индекс: 071312

4. Хөтөлбөрийн хураангуй: Цөмийн инженерчлэлийн сургалт нь хэрэглээний цөмийн физик, нейтроны болон реакторын физик, цөмийн реакторын онол, цөмийн түлшний цикл, радиохими, уран баяжуулах технологи, эрчим хүчний реакторын технологи, цацрагийн экологи, эмнэлэгийн цөмийн технологи зэрэг цөмийн инженер зүйн мэдлэг эзэмшиж түүнийгээ шинжлэх ухаан боловсрол, үйлдвэр, хөдөө аж ахуй, эрчим хүч, геологи хайгуул, байгаль орчны хяналт, анагаах ухаан, эрүүл ахуй зэрэг төрөл бүрийн салбарт ашиглах мэдлэг чадвартай боловсон хүчин бэлтгэхэд чиглэгдэнэ.

5. Хөтөлбөрийг эрхлэн явуулах нэгж: ИТС-ийн Хими, биологийн инженерчлэлийн  тэнхим

6. Тухайн хөтөлбөр хэрэгжих эхлэх\хэрэгжиж эхэлсэн он сар:  2014 оны 3-р сарын 13-ны өдрийн А/78 дугаартай сайдын тушаалаар шинэ индексээ авсан. 2014-2015 оны хичээлийн жилийн намрын улирлаас эхлэн элсэлтээ авч эхэлнэ.