“ХҮРЭЭЛЭН БУЙ ОРЧИН БА ХОТЖИЛТ – 2025” арга хэмжээ амжилттай зохион байгуулагдлаа.

“ХҮРЭЭЛЭН БУЙ ОРЧИН БА ХОТЖИЛТ – 2025” арга хэмжээ нь анх 2019 онд зохион байгуулагдаж түүнээс хойш 7 дах жилдээ уламжлал болон зохион байгуулагдаж байна.

Арга хэмжээний зорилго нь олон нийтэд, салбарын мэргэжилтэн судлаач болон оюутан сурагчдыг холбож өнөө үед хүрээлэн буй орчин, хотжилтод тулгамдаж буй асуудлыг ойлгуулах, шинжлэх ухааны шинэлэг мэдлэг, арга зүйг танилцуулах, мэргэжлийн онцлогийг танин мэдүүлэх, сурталчлахад оршино.

Энэ жилийн арга хэмжээг МУИС-ийн Инженер, Технологийн Сургуультай хамтран Засгийн газрын хэрэгжүүлэгч агентлаг Ойн газар, MCS Кока Кола, Монголын Уул Уурхай Үндэсний Ассоциаци, Ти Эм Эл Пластик, Хаанзаа сервис ХХК, Паблик Лаб Монголиа ТББ нар дэмжин зохион байгууллаа.

“Хүрээлэн буй орчин ба хотжилт- 2025” арга хэмжээг нээж, МУИС-ийн Инженер, Технологийн Сургуулийн захирал Ч.Сономдагва, Засгийн газрын хэрэгжүүлэгч агентлаг Ойн газрын дарга Б.Оюунсанаа нар үг хэллээ.

Арга хэмжээг “Хүрээлэн буй орчны усны асуудлууд”, “Хог хаягдал, хот, ногоон технологи”, “Хот ба агаарын бохирдол”, “Ой ба ногоон байгууламж”, “Хот ба хөрс, Хаалтын үйл ажиллагаа” гэсэн 5 сэдвийн хүрээнд 5 өдөр зохион байгуулж, байгаль орчны салбарын байгууллагын 6 зочин илтгэгч танилцуулга хийлээ. Мөн нийт оролцогчдын дунд асуулт хариулт, санал хэлэлцүүлэг явуулж, бүх талууд асуудал ба шийдлийг дэвшүүллээ.