“ГАЗАР ДООР УУСГАН ОЛБОРЛОХ ТЕХНОЛОГИ” 2025 СУРГАЛТЫГ АМЖИЛТТАЙ ЗОХИОН БАЙГУУЛАГДАВ.

“Бадрах-Энержи” ХХК болон МУИС, ШУТИС-тай хамтарсан “Газар доор уусган олборлох технологи” (ISR technology-2025) таван модуль сургалтыг 2025 оны 3, 4-р сард амжилттай зохион байгууллаа. Сургалтын нээлтийн үйл ажиллагааг 2025.03.14-ний өдөр МУИС-д, хаалтын үйл ажиллагааг 2024.04.12-ны өдөр ШУТИС дээр зохион байгуулж, амжилттай суралцсан суралцагчдад Сертификат гардуулав.

Энэхүү сургалтанд МУИС, ШУТИС-ийн Геологи, Химийн инженерчлэл, Химийн боловсруулалтын технологи, Ашигт малтмалын баяжуулалтын технологи, Уул уурхайн ашиглалтын технологи хөтөлбөрийн 30 оюутан залуус оролцсон бөгөөд Франц улсаас Орано группийн эксперт, мэргэжилтэнүүд, Орано майнинг коллежийн багш нар хүрэлцэн ирж 10 өдрийн, 5 модуль сургалтыг удирдан явуулсан юм.

Энэ удаагийн сургалтын онцлог нь лекц бүрийн дараа суралцагчдаас мэдлэг шалгах тест, бодлого, дасгал ажиллуулж, суралцагчдыг үнэлэх, идэвх оролцоог нэмэгдүүлэх тал дээр Орано майнинг коллежийн багш нар идэвхи зүтгэл гарган ажилласан явдал байлаа.