Хими, биологийн инженерчлэлийн тэнхимийн багш нар Архангай, Завхан, Увс аймгуудад хээрийн судалгааны ажлыг амжилттай гүйцэтгэлээ.

Хими, биологийн инженерчлэлийн тэнхим нь 2026 оны 06 дугаар сарын 01–08-ны өдрүүдэд тэнхимийн багш нарын судалгааны хамтын ажиллагааг өргөжүүлэх, мөн судалгааны дээж, материал цуглуулах зорилгоор Архангай, Завхан, Увс аймгуудад хээрийн судалгааны ажлыг амжилттай гүйцэтгэлээ.

Хээрийн судалгааны ажлын үеэр Увс аймгийн Улаангом сумын Ерөнхий боловсролын 2 дугаар сургуулийн байгалийн ухааны чиглэлээр суралцаж буй ахлах ангийн сурагчдад МУИС-ийн бакалаврын элсэлтийн журам болон Хими, биологийн инженерчлэлийн тэнхимд хэрэгжүүлж буй сургалтын хөтөлбөрүүдийн талаар танилцуулга зөвлөх уулзалтыг хийлээ.

Түүнчлэн Увс аймгийн Боловсролын газрын мэргэжилтэн, химийн багш нартай уулзаж, цаашдын хамтын ажиллагааны чиглэл, боломжийн талаар санал солилцлоо.