Судлаач Г.Мөнх-Очир "ИТДБ" төслийн зэргийн бус хөтөлбөрт амжилттай хамрагдлаа.

ИТС-ийн Ногоон эрчим хүч инженерчлэлийн тэнхимийн Сэргээгдэх эрчим хүч хөтөлбөрийн лаборант, Чадлын электроник ба Үйлдвэрийн автоматжуулалтын судалгаа, хөгжүүлэлт судалгааны багийн судлаач Г.Мөнх-Очир нь "ИТДБ" төслийн зэргийн бус хөтөлбөрийн хүрээнд 2025 оны 02 дугаар сарын 24-ний өдрөөс 05 дугаар сарын 20-ны өдөр хүртэлх хугацаанд Япон Улсын Токио Метрополитан Их Сургуульд зочин судлаачаар ажиллалаа.

Томилолтын хугацаанд тус сургуулийн Системийн дизайны төгсөлтийн дараах сургуулийн, Чадлын электроникийн лабораторид ажилласан бөгөөд “Цахилгаан автомашины цэнэг хуримтлуурт зориулсан цэнэглэгч станцын туршилтын загвар боловсруулах, түүнд тохирсон удирдлагыг хэрэгжүүлэх” сэдвийн хүрээнд судалгааны ажлыг амжилттай гүйцэтгэлээ.