Өвөр Монголын Их Сургуульд нэг сарын хугацаатай хийгдэх зуны үйлдвэрлэлийн дадлагад ИТС-ийн оюутнууд хамрагдаж байна.

МУИС-ийн Инженер, Технологийн Сургуулийн Хими, биологийн инженерчлэлийн тэнхимийн Нано шинжлэх ухаан, инженерчлэлийн хөтөлбөрийн 8, Химийн инженерчлэлийн хөтөлбөрийн 2 оюутан Өвөр Монголын Их Сургуульд нэг сарын хугацаатай зуны үйлдвэрлэлийн дадлагад хамрагдахаар 2026 оны 06 дугаар сарын 05-ны өдөр БНХАУ-ын Хөх хотыг зорилоо.

Тус үйлдвэрлэлийн дадлага нь Монгол Улсын Их Сургууль болон Өвөр Монголын Их Сургуулийн хамтын ажиллагааны хүрээнд зохион байгуулагдаж байгаа бөгөөд оюутнууд нано шинжлэх ухааны тэргүүлэх чиглэлүүдээр судалгаа хийх, эмийн зөөвөрлөлт, наноматериалын биосинтез болон химийн синтезийн чиглэлээр судалгааны ажил гүйцэтгэхээс гадна орчин үеийн судалгааны лабораторийн тоног төхөөрөмж, үйл ажиллагаатай танилцаж, мэргэжлийн ур чадвараа хөгжүүлэх боломжыг олгож байгаа юм.

Монгол Улсын Их Сургууль болон Өвөр Монголын Их Сургуулийн хамтын ажиллагааны үр дүнд оюутан, багш солилцоо, үйлдвэрлэлийн дадлага болон хамтарсан судалгааны төслүүдийг тогтмол хэрэгжүүлж, харилцан туршлага солилцож байна.