Төрийн дээд одон хүртсэн Д.Мөнгөнцэцэгт хүндэтгэл үзүүллээ

Монгол Улсын Ерөнхийлөгч Ухнаагийн Хүрэлсүхийн зарлигаар МУИС-ийн Инженер, Технологийн сургуулийн Хүрээлэн буй орчин, ойн инженерчлэлийн тэнхимийн лаборант Дэмбэрэлийн Мөнгөнцэцэгт Алтан гадас одон хүртээлээ.

Энэхүү хүндэт шагналыг гардуулсантай холбогдуулан МУИС-ийн ректор, профессор Б.Очирхуяг, Инженер, Технологийн сургуулийн захирал, профессор Ч.Сономдагва, Хүрээлэн буй орчин, ойн инженерчлэлийн тэнхимийн эрхлэгч, профессор Д.Батсүрэн нар хүлээн авч уулзан хүндэтгэл үзүүлэв.

Ойн хөтөлбөрийн лаборант Д.Мөнгөнцэцэг нь ойн салбарт нийт 32 жил, үүнээс Монгол Улсын Их Сургуульд 15 жил үр бүтээлтэй ажиллаж, ойн салбарын мэргэжилтэн бэлтгэх үйлсэд үнэтэй хувь нэмэр оруулсан бөгөөд ийнхүү гавьяаны амралтандаа гарч байна.

Төрийн дээд шагнал хүртэн, гавьяаны амралтандаа гарч буй Дэмбэрэлийн Мөнгөнцэцэгт цаашдын амьдралд нь эрүүл энх, аз жаргал, сайн сайхан бүхнийг хүсэн ерөөе.

Хүрээлэн буй орчин, ойн инженерчлэлийн тэнхим

2026 оны 01 дүгээр сарын 01