“Академик мобилити” хөтөлбөрийн хүрээнд “Бадрах-Энержи” ХХК-ийн “Зөөвч-Овоо” ураны ордын туршилтын үйлдвэрийн үйл ажиллагаатай танилцлаа.

МУИС-ийн Инженер технологийн сургууль нь МУИС-ийн Зүүн бүсийн сургуультай “Ашигт малтмал баяжуулалтын технологи” 2+2 хамтарсан хөтөлбөр хэрэгжүүлэхээр ажиллаж байна.

ИТС-ийн Хими, биологийн инженерчлэлийн тэнхимийн дэд профессор Ц.Төгсөө, Зүүн бүсийн сургуулийн Инженер, бизнесийн удирдлагын тэнхимийн багш Б.Доржпүрэв, Б.Дуламсүрэн, Д.Ганзул, Б.Батцэцэг нар “Академик мобилити” хөтөлбөрийн хүрээнд МУИС-ийн бакалавр, магистрын түвшинд суралцаж буй оюутнууд болон багш нарын төлөөлөлтэй нэг баг болон 2025 оны 5 дугаар сарын 02-05-ны өдрүүдэд Дорноговь аймгийн “Бадрах-Энержи” ХХК-ийн “Зөөвч-Овоо” ураны ордын туршилтын үйлдвэрийн үйл ажиллагаа, технологи, хүний нөөцийн бодлого, хэрэгжүүлж буй төсөл хөтөлбөртэй танилцлаа.