Профессор Ч.Ганзориг Эрдэнэт хотод томилолтоор ажиллалаа.

ХБИТ-ийн Профессор Ч.Ганзориг 2026 оны 02 дугаар сарын 09-нөөс 13-ны өдрүүдэд Эрдэнэт хотод Гэрлаб инженерийн төвийн С.Жаргалмаа, М.Отгон-Үжин, Д.Марал, Наношинжлэх ухаан, нанотехнологийн төвийн судлаач А.Нарангэрэл, Б.Энхжин нарын хамт Наношинжлэх ухаан, инженерчлэлийн хөтөлбөр сурталчилгаа, МУИС, ЭЦДС-н хамтарсан “START-UP LAB” Наноматериал, боловсруулалтын лабораторийн Атомын хүчний микроскопыг ажиллагаанд оруулах, Эрдэнэт үйлдвэр ТӨҮГ - Механик засварын үйлдвэрээр зочлон томилолтоор ажиллалаа.

02 дугаар сарын 10: Эрдэнэт үйлдвэр ТӨҮГ - Механик засварын үйлдвэрт ГэрЛаб-ын залуучуудтай зочлов. EiT буюу ЭТДС-ийн удирдлагатай уулзалт хийлээ.

02 дугаар сарын 09-10: Б.Нандин-Эрдэнэ (2025 оны Наношинжлэх ухаан, инженерчлэл хөтөлбөрийн төгсөгч) хамтарсан лаб болох Startup lab: Nanomaterials & Processing хариусан Эрдэнэт үйлдвэрт ажилд орсон тул үдээс өмнө хамт туршилт хийв. Үдээс хойш 70 гаруй оюутанд лекц уншаад дараа ГОК төв оффис орж үйлдвэрийн инженерүүдтэй уулзалт хийлээ.

02 дугаар сарын 11-12: Эрдэнэт коосэний 08:00-09:30 Химийн инженерчлэлийн 3-р түвшин, 09:40-11:20 Химийн инженерчлэлийн 2-р түвшин МУИС буюу хичээлийн 2-р байранд “Эрэлттэй мэргэжлээр суралцах нь, орчин үеийн их сургуулийн тогтолцоо, оюутны хөгжил” сэдэвтэй лекцүүд оров. ЭЦДС-н харьяа Start-up лабораторийн Атомын хүчний микроскопыг ажилд оруулах туршилтын хэмжилтүүдийг амжилттай хийж гүйцэтгэлээ.

Зураг 1. Эрдэнэт коосэний химийн инженерчлэлийн оюутнуудад лекц уншсан нь

02 дугаар сарын 13: Эрдэнэтийн ЕБС 14 болон ЭЦДС-ийн лицей ахлах сургуулийн 11-12 ангийн сурагчдад яриа хийв. Мөн Эрдэнэт Үйлдвэр ТӨҮГ-д оюутнуудын үйлдвэрлэлийн дадлага хийх боломжийн талаар ярилцлаа.

Зураг 2. Эрдэнэт Үйлдвэр ТӨҮГ-р зочилсон нь /Судлаач А.Нарангэрэл, Б.Энхжин нарын хамт/