МУИС-ийн ИТС-ийн Ногоон эрчим хүч, инженерчлэлийн тэнхимийн профессор С.Одмаа олон улсын хурал (FR26)-д оролцлоо

МУИС-ийн ИТС-ийн Ногоон эрчим хүч, инженерчлэлийн тэнхимийн Цөмийн инженерчлэл хөтөлбөрийн профессор С.Одмаа нь 2026.05.18-22-ны өдрүүдэд Хятад улсын Бээжин хотод Олон улсын атомын энергийн агентлагийн зохион байгуулсан  Хурдан реактор, түүнтэй холбоотой түлшний циклийн олон улсын хурал (FR26)-д оролцож, өөрийн судалгааны ажлаа илтгэн хэлэлцүүлж оролцлоо. 

 FR26 нь Олон улсын атомын энергийн агентлагийн Цөмийн эрчим хүчний салбарын Хурдан реакторын хэсгээс зохион байгуулж буй 5 дахь хурал бөгөад олон улсын эрдэмтэн судлаачид өөрсдийн судлагааны ажлын үр дүн, ололт амжилт, шийдвэрлэх шаардлагатай асуудал, хамтран ажиллах чиглэлээ хэлэлцэн тодорхойлжээ. Энд 9 сэдвээр үндсэн 3, салбар 47 хуралдаан, 3 хэлэлцүүлэг зохион байгуулагдсан бөгөөд нийт 30 орчим орны 500 гаруй оролцогч оролцсон байна. 

Хурлын зорилго нь  Олон улсын атомын энергийн агентлагийн гишүүн орнууд, судалгааны байгууллага, хувийн компаниудын санал болгож буй хурдан реактор, түүнтэй холбоотой түлшний циклийн стратегийн болон техникийн сонголтийг тодорхойлох,  хурдан реакторын системийн давуу талыг таниулах, тулгарч буй техникийн бэрхшээл болон сайн судлагдаагүй талыг тогтоох , салбарт залуу үеийг татан оролцуулах, харилцаа холбоог бэхжүүлэх байлаа. 

Профессор С.Одмаа нь шингэн натри хөргүүртэй, дэвшилтэт хурдан реакторын дизайны салбар хуралдаанд “Түлшээ үржүүлэн шатаадаг, шингэн натри хөргүүртэй, цахиурт уран түлшээ сэлгэн байрлуулах схем бүхий реакторын голомтын гүйцэтгэлд нөлөөлөх дизайны параметрүүд” сэдвээр илтгэл хэлэлцүүлжээ.

Хурлын сүүлийн өдөр оролцогчид Бээжин хотын ойролцоох хурдан реактор системийн судалгаа, хөгжүүлэлтийн лаборатор, байгууламж, туршилтын реактортай танилцав.