ЯПОНЫ ТОХОКҮ ИХ СУРГУУЛЬТАЙ ХАМТЫН АЖИЛЛАГААНЫ САНАМЖ БИЧИГ БАЙГУУЛЛАА

МУИС-ИЙН ИНЖЕНЕР, ТЕХНОЛОГИЙН СУРГУУЛИЙН ЭРДЭНЭ-МИКРО СҮЛЖЭЭНИЙ СУДАЛГАА, ХӨГЖҮҮЛЭЛТИЙН ТӨВ ЯПОНЫ ТОХОКҮ ИХ СУРГУУЛЬТАЙ ХАМТЫН АЖИЛЛАГААНЫ САНАМЖ БИЧИГ БАЙГУУЛЛАА 🇲🇳🤝🇯🇵

2026 оны 7 дугаар сарын 20-ны өдөр Монгол Улсын Их Сургуулийн Инженер, технологийн сургуулийн (ИТС) Эрдэнэ-Микро сүлжээний судалгаа, хөгжүүлэлтийн төв Япон улсын Тохокү их сургуулийн Олон улсын соёл судлалын сургуулийн (Graduate School of International Cultural Studies) Олон улсын бодлого, эдийн засгийн тэнхим (профессор Юүгийн лаборатори)-тэй эрдэм шинжилгээний хамтын ажиллагаа, солилцооны санамж бичигт гарын үсэг зурлаа.

Япон улсын Сэндай хотноо болсон гарын үсэг зурах ёслолын үеэр санамж бичигт Төвийн эрхлэгч Д.Баясгалан болон Тохокү их сургуулийн Олон улсын соёл судлалын сургуулийн захирал, профессор Жонсү Юү нар гарын үсэг зурав.

Таван жилийн хугацаатай байгуулсан энэхүү санамж бичгийн хүрээнд хоёр тал дараах чиглэлээр хамтран ажиллахаар тохиролцлоо:
✅ Багш, судлаач, ажилтан солилцох
✅ Оюутан солилцох
✅ Хамтарсан судалгааны хөтөлбөр төлөвлөж хэрэгжүүлэх
✅ Эрдэм шинжилгээний хурал, семинар зохион байгуулах
✅ Судалгааны дээж, эрдэм шинжилгээний бүтээл, мэдээлэл солилцох
✅ Хамтарсан эрдэм шинжилгээний өгүүлэл бичих, хэвлүүлэх

Тохокү их сургууль нь Японы тэргүүлэх судалгааны их сургуулиудын нэг юм. Энэхүү хамтын ажиллагаа нь сэргээгдэх эрчим хүч, микро сүлжээний технологи, олон улсын бодлого, эдийн засгийн чиглэлээр хамтарсан судалгааг хөгжүүлж, багш, судлаач, оюутнуудад олон улсын түвшинд суралцаж, туршлага солилцох шинэ боломжийг нээж өгч байна.