МУИС-ИЙН “БАГШ, ОЮУТНЫ СТАРТАП-2025” (NUM STARTUP 3.0) ХӨТӨЛБӨРИЙН ШАЛГАРУУЛАЛТ АМЖИЛТТАЙ БОЛЖ ӨНДӨРЛӨЛӨӨ.

“МУИС-ийн оюуны өмчийг эдийн засгийн эргэлтэд оруулах, инновацын судалгааны ажил, төсөл хөтөлбөрийг зах зээлийн эрэлт хэрэгцээтэй уялдуулах, гарааны компани байгуулахад дэмжлэг үзүүлэх зорилготой “Багш, оюутны стартап-2025” (NUM Startup 3.0) хөтөлбөр ес дэх жилдээ амжилттай хэрэгжиж, хөтөлбөрийн гарааны тэтгэлэг олгох шалгаруулалтын үйл ажиллагааг МУИС-ийн Технологи дамжуулах төв 2025 оны 11 дүгээр сарын 08-ны өдөр зохион байгуулагдлаа

Тус хөтөлбөрт Инженер, Технологийн сургуулийн багш, суралцагчид амжилттай оролцож, Хими, биологийн инженерчлэлийн тэнхимийн дэд профессор Б.Даваапүрэв удирдагчтай “Baby-Takara” баг “Батцагаан хүүхдийн нэмэлт сүү” төсөл “ТЭРГҮҮН БАЙР” (гарааны тэтгэлэг-12 сая ₮) шалгарсан байна.

Мөн Инженер, Технологийн Сургуулиас “Багш, оюутны стартап-2024” (NUM Startup 3.0) хөтөлбөрийн эцсийн шалгаруулалтад Ногоон эрчим хүч, инженерчлэлийн тэнхимийн ахлах багш Б.Баттүвшин удирдагчтай “RECap” баг, “Улаанбаатар хотын айл өрхүүдийн нүүрсний хэрэглээг бууруулах сэргээгдэх эрчим хүчний системийг дэмжих нүүрстөрөгчийн кредитийн механизм)” төслөө амжилттай танилцуулж оролцсон байна.

Хөтөлбөрт амжилттай оролцсон эрдэмтэн багш, судлаач оюутнуудын цаашдын эрдэм шинжилгээ, судалгааны их үйлс, арвин байх болтугай.