Дэд проф Р.Чинзориг “Radiation Processing and Polymer Modification for Agricultural, Environmental and Medical Applications” уулзалтад оролцлоо

ИТС-ийн Хими, биологийн инженерчлэлийн тэнхимийн дэд профессор Р.Чинзориг нь Азийн Цөмийн Хамтын Ажиллагааны Форум (FNCA)-ын хүрээнд зохион байгуулагдсан “Radiation Processing and Polymer Modification (RPPM) for Agricultural, Environmental and Medical Applications” сэдэвт олон улсын семинар, уулзалтад Монгол Улсыг төлөөлөн амжилттай оролцлоо.

Тус арга хэмжээ 2025 оны 12 дугаар сарын 16–19-ний өдрүүдэд Тайландын Хаант Улсын Бангкок хот дахь Avani Ratchada Bangkok Hotel болон Thailand Institute of Nuclear Technology (TINT)-д болж, Япон Улсын Боловсрол, соёл, спорт, шинжлэх ухаан, технологийн яам (MEXT)-аас зохион байгуулсан юм. Семинарт FNCA-ийн гишүүн 10 улсын 28 эрдэмтэн, судлаач оролцож, цацрагийн технологийг хөдөө аж ахуй, байгаль орчин, анагаах ухаанд ашиглах судалгаа, туршлагаа хуваалцсан байна.

Дэд профессор Р.Чинзориг нь “Polymer Modification” болон “Medical and Biological Application” чиглэлийн семинарын хуралдаанд Монгол Улсын судалгааны ажлын явц, үр дүнг танилцуулж, цаашдын хамтарсан судалгаа, судлаач солилцоо, санхүүжилтийн боломжийн талаар хэлэлцүүлэгт идэвхтэй оролцсон байна.