Лаборант Л.Жаргалмаа зэргийн бус хөтөлбөрт амжилттай хамрагдлаа.

ИТС-ийн Хими биологийн инженерчлэлийн тэнхимийн лаборант, наноматериалын судалгааны багийн судлаач Л.Жаргалмаа нь “Инженер, Технологийн Дээд боловсрол (ИТДБ)" төслийн зэргийн бус хөтөлбөрийн хүрээнд 2025 оны 10 дугаар сарын 15-ний өдрөөс 12 дугаар сарын 15-ны өдөр хүртэлх хугацаанд Япон Улсын Ёкохама их сургуульд зочин судлаачаар ажиллалаа.

Зочин судлаачаар ажиллах хугацаандаа “Biomolecular engineering and structural biochemistry” лабораторид “Гадаргуун талбай, нүх сүвний анализатор буюу BET, дулааны анализатор буюу TG-DTA багаж ашиглан наноматериалын гадаргуугийн болон дулааны шинж чанарыг судлах” сэдвийн хүрээнд судалгааны ажлыг амжилттай хийж гүйцэтгэлээ.