Профессор О.Алтансүх “МИКРО-СУРГАЛТЫН МЕНЕЖМЕНТ” сургалт, зөвлөгөөнд амжилттай оролцлоо.

2025 оны 10-р сарын 27-29-ний хооронд Эстони улсын нийслэл Таллин хотод “Микро сургалтын менежмент” сэдэвт мэдээлэл сайтай, үр дүнтэй зөвлөгөө, сургалт зохион байгуулагдлаа.

Зөвлөгөөний хэсэгт Монголын түншүүд 6 илтгэл танилцуулсан бөгөөд үүнд:

1. Микро сургалтын олон улсын бодлого, туршлага: Б.Дагинас, ХААИС-АЭБС

2. Микро сургалтын чанарын баталгаа болон үндэсний мэргэшлийн хүрээний уялдаа: Б.Басбаяр, БМИҮЗ

3. Микро сургалтын журам боловсруулалтын явц: О.Алтансүх, МУИС

4. МУИС-ийн микро сургалтын журмын агуулга, зохицуулалт: С.Булгантамир, МУИС

5. DOMANI төслийн Ажлын багц 6-ийн явц: О.Алтансүх, МУИС

6. Микро сургалтын суралцагсдыг чиглүүлэх хөтөлбөрийн удирдамж: П.Мэнд-Амгалан, ХААИС-АЭБС

Сургалтын үеэр НҮБ, Эдийн засгийн хамтын ажиллагаа, хөгжлийн байгууллага (OECD), Европ болон Эстони улсын микро сургалтын талаарх туршлагаас их зүйл сурлаа.

Тус арга хэмжээг зохион байгуулсан Эстонийн Боловсролын Чанарын Агентлаг (HAKA), Эстонийн Хөдөө Аж Ахуйн Их Сургуулийн хамт олонд баярлалаа.

МУИС-д шинэ сургалтын хэлбэр “микро сургалт – micro-credentials”-ыг нэвтрүүлэхээр ажиллаж байна.