“Байгалийн нөөц ба Ногоон эрчим хүчний инженерчлэл” форумд та бүхнийг урьж байна.

Монгол Улсын Их Сургуулийн Инженер, Технологийн сургууль нь 2025 оны 05 дугаар сарын 09-ний өдөр “Байгалийн нөөц ба Ногоон эрчим хүчний инженерчлэл” сэдвийн хүрээнд нээлттэй хэлэлцүүлэг, ажил олгогч ба оюутнуудын уулзалт, профессор, багш, судлаач оюутнуудын бүтээлийн үзэсгэлэн, төрөл бүрийн модны үрслэгээний үзэсгэлэн худалдаа зэрэг цогц үйл ажиллагааг МУИС-ийн Багш, оюутны хөгжлийн төвд зохион байгуулах гэж байна. 

Энэхүү форумын үеэр дараах үндсэн чиглэлүүдээр хэлэлцүүлэг өрнөнө. Үүнд: 

• Төрөөс баримталж буй байгалийн нөөц ашиглалтын бодлого, 

• Мега төслүүд болон аж үйлдвэрийн паркийн төлөвлөлт, 

• Эрчим хүчний бодлого ба ногоон эрчим хүчний үйлдвэрлэл, 

• Тархмал микро сүлжээний оновчлол, 

• Их сургуулиудын оролцоо, салбар хоорондын хамтын ажиллагаа. 

  Мөн профессор, багш, оюутнуудын шинэлэг санаа, судалгааны үр дүнг танилцуулах бүтээлийн үзэсгэлэнг олон нийтэд нээлттэй толилуулна. Таныг энэхүү чухал арга хэмжээнд хүрэлцэн ирж, байгалийн нөөцийн зохистой ашиглалт, сэргээгдэх эрчим хүчний хөгжлийг дэмжих үйл хэрэгт бодит хувь нэмрээ оруулахыг урьж байна. 

  Ажил олгогчид болон төгсөх ангийн оюутнуудын уулзалт, харилцан ойлголцлыг гүнзгийрүүлэх арга хэмжээнд идэвхтэй оролцоно гэдэгт итгэж байна.