ИТС-ийн оюутнууд Өвөр Монголын Их Сургуульд дадлага хийлээ.

Инженер, Технологийн Сургуулийн Нано шинжлэх ухаан, инженерчлэл хөтөлбөрийн 3-р түвшний 8 оюутан БНХАУ-ын Өвөр Монголын Их Сургуульд 2025 оны 06 дугаар сарын дугаар 10-наас 07 дугаар сарын 07-ны хооронд 1 сарын хугацаатай дадлагыг амжилттай гүйцэтгэлээ.

Уг дадлагыг МУИС болон Өвөрмонголын их сургуулийн хамтын ажиллагааны хүрээнд зохион байгуулсан бөгөөд эмийн зөөвөрлөлт, наноматериалын биосинтез , химийн синтез зэрэг нано шинжлэх ухааны тэргүүлэх чиглэлээр судалгаа хийж, лабораторийн орчинтой танилцлаа.

Дадлагын үеэр оюутнууд лабораториуд болон шинлэх ухааны музей, ӨМӨЗО-ны Байгалийн музей, ӨМӨЗО-ны Шинжлэх ухаан технологийн музей, Түүхийн музей, экологийн соёл иргэншлийн музей зэрэг газруудаар зочилж, Хятадын хойд нутгийн бэлчээрийн соёл, бүс нутгийн хөгжил, экологийн соёл иргэншлийн үзэл баримтлалын талаар гүнзгий ойлголттой боллоо.

Энэхүү дадлага нь оюутнуудад олон улсын шинжлэх ухааны салбарын туршлагаас суралцах, мэргэжлийн ур чадвараа хөгжүүлэх, цаашдын судалгааны чиглэлээ тодорхойлоход чухал алхам боллоо.

Монгол Улсын Их Сургууль болон Өвөр Монголын Их Сургуулийн хамтын ажиллагааны хүрээнд лаборатори, дадлага, судалгааны олон төслийг амжилттай хэрэгжүүлж байгаа билээ.

--Хичээл зүтгэл, идэвхтэй оролцоогоороо манлайлсан оюутнуудад халуун баяр хүргэе!--