ХБИТ-ийн оюутнууд “Хятад хэл + Мэргэжлийн ур чадвар” сэдэвт үйлдвэрлэлийн дадлага, сургалтад амжилттай хамрагдаж эхэллээ.

Хими, биологийн инженерчлэлийн тэнхимийн Химийн боловсруулалтын технологи, Химийн инженерчлэлийн хөтөлбөрийн 3, 4-р түвшний 17 оюутан БНХАУ-ын ӨМӨЗО-ны Хөх хот дахь Химийн аж үйлдвэрийн дээд сургуульд зохион байгуулагдаж буй “Хятад хэл + Мэргэжлийн ур чадвар” сэдэвт 14 хоногийн үйлдвэрлэлийн дадлага, сургалтад амжилттай хамрагдаж эхэллээ.

Энэхүү дадлага, сургалт нь МУИС-ийн Инженер, технологийн сургууль болон ӨМӨЗО-ны Химийн аж үйлдвэрийн дээд сургуулийн хамтын ажиллагааны гэрээний хүрээнд хоёр дахь жилдээ амжилттай хэрэгжиж байна.

Дадлагын хүрээнд оюутнууд:

• Үйлдвэрлэлийн процесс аппарат

• Нүүрсний хийжүүлэлтийн үйлдвэрлэл

• Хүнс, ус, нүүрсний шинжилгээ

• Хөдөлмөр хамгаалал чиглэлээр онолын мэдлэгээ бодит үйлдвэрлэл, орчин үеийн тоног төхөөрөмж дээр бататгаж, мэргэжлийн ур чадвараа хөгжүүлэх боломжтойгоороо онцлог юм.

Тус сургалт, дадлага нь оюутнуудын олон улсын орчинд суралцах туршлагыг нэмэгдүүлэхээс гадна мэргэжлийн мэдлэг, практик ур чадварыг дээшлүүлэхэд чухал ач холбогдолтой юм.