МУИС-ИЙН ИТС БА ӨВӨР МОНГОЛЫН БУГАТ ХОТЫН ШУТИС-ИЙН ХАМТЫН АЖИЛЛАГАА БА УУЛЗАЛТ

2024 оны 09 сард МУИС-ийн Ректор болон Бугатын ШУТИС-ийн Захирлын хамтын ажиллагааны хүрээнд тохиролцсоны дагуу Өвөр Монголын Бугат хотын ШУТИС-ийн багш, доктор Li Ren тэргүүтэй судлаачид МУИС-ийн ИТС-д 2025 оны 05 сарын 19-23-ны өдрүүдэд ажиллалаа.

 Тус хамтын ажиллагаа уулзалтын хүрээнд Li Ren, Zhang Baoping тэргүүтэй судлаачид Усны бохирдолт, цэвэршүүлэлт, усны зарим бохирдлыг арилгах шинэ технологи хөгжүүлэх, хэрэглэх тухай судалгаа хөгжүүлэлтийн илтгэл танилцууллаа.

Хамтарсан судалгаа хөгжүүлэх, усны бохирдлыг бууруулах, туршлага солилцох ажлын хүрээнд Улаанбаатар хотын Төв цэвэрлэх байгууламжийн үйл ажиллагаатай танилцан хамтарсан судалгааны боломж, ИТС-ийн Хүрээлэн буй орчны сургалтын лабораторийн хүчин чадлыг нэмэгдүүлэх боломжийн талаар ярилцаж анхан шатны тохиролцоог хийлээ.

Тус уулзалтын дараа ирсэн зочид айлчлалын үр дүн, цаашдын хамтын ажиллагааны төлөвлөгөө, багш оюутан солилцоо, Хүрээлэн буй орчны сургалтын лабораторийг сайжруулах, хамтарсан судалгааны боломж, цаашдын төлөвлөгөөний талаар ИТС-ийн Захирал, холбогдох профессор багш нартай уулзалт хийж, хамтарсан үйл ажиллагаа цаашдын ажлыг нарийвчлан тохиролцов.