Инженер, Технологийн Сургуулийн бакалаврын түвшний "ОЮУТНЫ ЭРДЭМ ШИНЖИЛГЭЭНИЙ ХУРАЛ 2025" амжилттай зохион байгуулагдлаа.

ИТС-ийн бакалаврын түвшний оюутнуудын дунд зохион байгуулсан эрдэм шинжилгээний хурал 2025 оны 04 дүгээр сарын 16-ны өдөр амжилттай явагдаж өндөрлөлөө.

Энэ удаагийн хуралд Ногоон эрчим хүч, инженерчлэлийн тэнхим, Хими, биологийн инженерчлэлийн тэнхим, Хүрээлэн буй орчин, ойн инженерчлэлийн тэнхимүүдээс шалгарсан нийт 9 оюутнууд оролцож судалгааны ажлаа хэлэлцүүллээ.

Тус хуралд оролцсон оюутнуудаас эхний 4 байр шалгаруулж өргөмжлөл, мөнгөн шагналаар шагналаа.

Үүнд:

- Тэргүүн байр: Хими, биологийн инженерчлэлийн тэнхимийн Химийн боловсруулалтын технологи-IV түвшний оюутан Ц.Төгсхүслэн “Металл агуулсан хаягдалыг микро-организмын тусламжтай боловсруулах хими-технологийн судалгаа” (Удирдагч: Профессор Д.Эрдэнэчимэг) сэдэвт илтгэлээр,

- Дэд байр: Хими, биологийн инженерчлэлийн тэнхимийн Химийн Инженерчлэлийн IV түвшний оюутан Э.Зоригтбаатар “Drop-tube, Fixed-bed хосолсон реакторт усны уурын оролцоотой нүүрсийг хийжүүлэх судалгаа” (Удирдагч: Профессор Б.Энхсаруул) сэдэвт илтгэлээр,

- Гутгаар байр: Ногоон эрчим хүч, инженерчлэлийн тэнхимийн Хүрээлэн буй орчны инженерчлэлийн IV түвшний оюутан Б.Номингэрэл “Ой модны үлдэгдэл, хаягдлаас үртсэн шахмал түлш гаргаж авах судалгаа” (Удирдагч: Профессор Ц.Соёл-Эрдэнэ, Дэд профессор Б.Оюунсанаа) сэдэвт илтгэлээр,

- Гутгаар байр: Хүрээлэн буй орчин, ойн инженерчлэлийн тэнхимийн Хүрээлэн буй орчин судлал хөтөлбөр, IV түвшний оюутан Б.Анар-Эрдэнэ "Хүний үйл ажиллагаа болон бичил орчноос хамаарч хувь хүний PM2.5 -д өртөх өртөлт" (Удирдагч багш: Профессор Ч.Сономдагва, Доктор Б.Чүлтэм,) сэдэвт илтгэлээр тус тус шалгарлаа.

Эрдэм шинжилгээний хуралд идэвхтэй оролцсон нийт оюутнууддаа баяр хүргэж, цаашдын эрдмийн ажилд нь өндөр амжилтыг хүсье.

Эрдмийн хэт цахимаас

Хөгжлийн гал бадармой