Химийн үйлдвэрийн тоног төхөөрөмж, аюулгүй байдал, химийн процессын дадлагад оюутнууд хамрагдана.

МУИС-ийн Ректор, профессор Б.Очирхуяг болон ИТС-ийн захирал, профессор Ч.Сономдагва нар ӨМӨЗО-ны Химийн аж үйлдвэрийн дээд сургууль дээр ажиллаад ирлээ.

МУИС-ийн Инженер, Технологийн сургууль - Химийн аж үйлдвэрийн дээд сургуулиудын хамтын ажиллагааны гэрээний хүрээнд энэ оны 6-р сард Химийн үйлдвэрийн тоног төхөөрөмж, аюулгүй байдал, химийн процессын дадлагад нийт 15 оюутан, 2 багш 14 хоногийн хугацаатайгаар хамрагдах юм.

Түүнчлэн түр сургалт, багш оюутны солилцоо, хамтарсан сурах бичиг гаргах, МУИС дээр тус сургуулийн нэрэмжит мэргэжлийн хичээлийн танхим байгуулах, хамтарсан эрдэм шинжилгээний хурал хийх зэрэг ажлуудыг ойрын хугацаанд эхлүүлэхээр тохиролцлоо.