“МУИС – Эрдэм шинжилгээ, инновац 2025” шагнал гардуулах ёслолын ажиллагаа зохион байгуулагдлаа.

Шинжлэх ухааны ажилтны өдрийг тохиолдуулан “МУИС – Эрдэм шинжилгээ, инновац 2025” шагнал гардуулах ёслолын ажиллагаа зохион байгуулагдаж Инженер, Технологийн Сургуулийн эрдэмтэн судлаач багш нар шагналаа гардан авлаа.

• Web of Science мэдээллийн санд бүртгэлтэй Q1, Q2 ангиллын сэтгүүлд голлох болон хамтран зохиогчоор хамгийн олон бүтээл хэвлүүлсэн судлаачааар Хүрээлэн буй орчин, ойн инженерчлэлийн тэнхимийн профессор Ц.Соёл-Эрдэнэ,

• Web of Science мэдээллийн санд бүртгэлтэй Q1, Q2 ангиллын сэтгүүлд голлох зохиогчоор хамгийн олон бүтээл хэвлүүлсэн судлаачдаар Хими, биологийн инженерчлэлийн тэнхимийн профессор Ж.Батхүү, Хүрээлэн буй орчин, ойн инженерчлэлийн тэнхимийн профессор Н.Батхүү нар,

• 2024-2025 оны хичээлийн жилд бүтээлүүд нь хамгийн олон эшлэгдсэн судлаачаар Хүрээлэн буй орчин, ойн инженерчлэлийн тэнхимийн профессор Ц.Соёл-Эрдэнэ,

• Сүүлийн гурван жилийн судалгааны үр дүнгээ шинэ технологи, бүтээгдэхүүн, үйлчилгээ болгон хөгжүүлж эдийн засгийн эргэлтэд оруулж буй “Инновацлаг судлаач”-аар Ногоон эрчим хүч, инженерчлэлийн тэнхимийн дэд профессор Э.Пүрэвдалай нар тус тус тодорлоо.

Мөн Засгийн газрын шагнал “Шинжлэх ухааны тэргүүний ажилтан” цол тэмдгээр Хүрээлэн буй орчин, ойн инженерчлэлийн тэнхимийн профессор Ц.Соёл-Эрдэнэ, Хими, биологийн инженерчлэлийн тэнхимийн дэд профессор Б.Даваапүрэв нарыг шагнагдлаа.

Шагнал гардан авсан эрдэмтэн багш нартаа баяр хүргэж, цаашдын эрдэм шинжилгээ судалгааны их үйлст арвин их амжилтыг хүсье.