Дэд профессор Р.Чинзориг “The 23rd Conference on International Exchange of Professionals” ОУ-ын хуралд амжилттай оролцлоо.

ИТС, ХБИТ-ийн дэд профессор Р.Чинзориг 10 сарын 20-22-ны өдрүүдэд “The 23rd Conference on International Exchange of Professionals” хуралд оролцон өөрийн судалгааны илтгэлээ хэлэлцүүлээд ирлээ. Энэ хурал нь БНХАУ-ын “Conference on International Exchange of Professionals” (CIEP) цувралын 23-р удаагийн уулзалт бөгөөд Shanghai World Expo Center-т зохион байгуулагдсан.

“Pooling Global Talents for Shared Success” буюу “Дэлхийн авьяасуудыг хамтран нэгтгэж, нийт амжилтанд хүрэх” гэсэн уриа дор Дэлхийн 110 гаруй улс, бүсээс 2 600 гаруй гадаад мэргэжилтэнийг урьж оролцуулсан бөгөөд БНХАУ-ын хувьд дэлхий даяарх “авьяас ба чадварын” өрсөлдөөнд идэвхтэй оролцох, гадаад мэргэжилтэн татах бодлогыг урагшлуулах, Дэлхийн хэмжээний технологи, судалгаа, инновацийн чиглэлээр Хятадын дотоод болон олон улсын оролцогчдын хамтын үйл ажиллагааг нэмэгдүүлэх зорилго, ач холбогдолтой арга хэмжээ боллоо.