ИТС-ийн "Aхисан түвшний оюутны эрдэм шинжилгээний хурал" амжилттай зохион байгуулагдлаа.

ИТС-ийн "Aхисан түвшний оюутны эрдэм шинжилгээний хурал (ЭШХ)" 4-р сарын 16-ны өдөр зохиогдож өндөрлөлөө. ЭШХ-д Хими, биологийн инженерчлэлийн тэнхим, Хүрээлэн буй орчин, ойн инженерчлэлийн тэнхимээс шалгарсан ахисан түвшний 6 оюутан оролцож, судалгааны ажлаа илтгэн, хэлэлцүүллээ. ИТС-ийн 5 шүүгчийн бүрэлдэхүүнтэй комисс ЭШХ-аас эхний 4 байрыг шалгаруулан мөнгөн шагналаар шагнаж, өргөмжлөл гардууллаа.

Эрдэм шинжилгээний хуралд: 

1. Тэргүүн байр: "Төмөр ба хүхэр исэлдүүлэгч омгийн бактериар зэсийн ядуу хүдрийг биошүлтгүйжүүлэх" илтгэлээр Химийн боловсруулалтын технологийн хөтөлбөрийн докторант оюутан Т.Бүжинлхам /Удирдагч: Профессор Д.Эрдэнэчимэг, Дэд профессор Р.Чинзориг/

2. Дэд байр: "Саваан булган сүүл (Chloris virgata)-ээс гангийн стресст тэсвэрлэх чадварыг нөхцөлдүүлдэг генийг илрүүлсэн нь" илтгэлээр Био-инженерчлэл хөтөлбөрийн докторын оюутан Б.Бүжин /Удирдагч: Профессор Ж.Батхүү, Дэд профессор Б.Даваапүрэв/

3. Гутгаар байр: "Зайнаас тандан судлалын олон эх сурвалжийн өгөгдлийг ашиглан бэлчээрийн биомассыг тооцоолох аргазүйн асуудалд (Төв аймгийн Баяндэлгэр сумын жишээн дээр)" илтгэлээр Хүрээлэн буй орчин судлал хөтөлбөрийн докторант оюутан Н.Болдбаатар /Удирдагч: Доктор Б.Баяртунгалаг/

4. Гутгаар байр: "Бэлчээрийн малын сүүгээр хүүхдийн сүүн тэжээл үйлдвэрлэх боломж" илтгэлээр Химийн боловсруулалтын технологи хөтөлбөрийн магистрант оюутан Ц.Тунгалагмөрөн /Удирдагч: Дэд профессор Б.Туяагэрэл, Дэд профессор Г.Тамираа/ нар тус тус шагналт байрт шалгарлаа. 

ЭШХ-д оролцсон нийт илтгэгчид, шүүгчдийн бүрэлдэхүүнд ажилласан эрдэмтэн, багш нартаа талархал илэрхийлж, цаашдын эрдэм шинжилгээ, судалгааны арвин үйлст амжилт хүсье.