Дэд профессор Б.Мөнхцэцэг Алтангадас одонгоор шагнагдлаа.

Тулгар төр байгуулагдсаны 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх төрийн дээд одон, медаль гардууллаа.

Энэ үеэр МУИС-ийн Инженер, технологийн сургуулийн Хими, биологийн инженерчлэлийн тэнхимийн дэд профессор Баатарын Мөнхцэцэг боловсрол, шинжлэх ухааны салбарт олон жил үр бүтээлтэй ажиллаж, инженерийн боловсрол, судалгаа, инновацын хөгжилд оруулсан үнэтэй хувь нэмрийг нь өндрөөр үнэлэн Алтангадас одонгоор шагналаа.

Энэхүү нэр хүндтэй төрийн шагнал нь түүний эрдэм шинжилгээ, сургалт, судалгааны ажлын амжилт, залуу үеийг сурган хүмүүжүүлэх үйлсэд оруулсан бодит хувь нэмрийн илэрхийлэл бөгөөд хамт олон, шавь нарынх нь бахархал болсон онцгой үйл явдал боллоо.

Дэд профессор Б.Мөнхцэцэг багшдаа төрийн дээд Алтангадас одон хүртсэнд нь чин сэтгэлийн халуун баяр хүргэж, эрдэм шинжилгээ, сургалт судалгааны ажилд нь улам их амжилт, сайн сайхныг хүсэн ерөөе.