Профессор С.Одмаа Итали улсын Триест хотод сургалтад хамрагдлаа.

Ногоон эрчим хүч, инженерчлэлийн тэнхимийн Цөмийн инженерчлэл хөтөлбөрийн профессор С.Одмаа нь 2026.04.13-17-ны өдрүүдэд Итали улсын Триест хотод байрлах Олон улсын онолын физикийн судалгааны төвд зохион байгуулагдсан Жижиг модульчлагдсан реактор (SMR)-ын дулааны гидравлик, реакторын физик, станцын дулааны инженерчлэл сэдэвт сургалтад оролцлоо.

Энэхүү сургалтыг Олон улсын атомын энергийн агентлагийн Цөмийн эрчим хүчний салбараас зохион байгуулсан бөгөад олон улсын 20 эксперт уригдан лекц уншжээ. Сургалтад 17 орны 20 оролцогч сонгогдон хамрагдсан байна.

Сургалтад дэлхийн улс орны судалгааны байгууллага, цөмийн аж үйлдвэрүүдэд судлагдаж буй, зохион бүтээгдэж буй, зөвшөөрөл авч баригдан ажиллаж буй SMR-уудын технологийн талаарх сүүлийн үеийн шинэчлэгдсэн мэдээлэл, онцлог, тулгарч буй бэрхшээлийг дулааны гидравлик, реакторын физик, станцын дулааны инженерчлэл сэдийн хүрээнд ярилцжээ. Түүнчлэн авсаархан, зөөврийн микрореакторуудын хөгжүүлэлтийн өнөөгийн байдлыг ч хэлэлцсэн байна. Сургалтын үеэр өндөр температурын хийн хөргөлттэй SMR реактор болон хайлмал давсан SMR реакторын голомтын дизайны нейтроникийн ба дулааны гидравликийн хосолсон тооцооллыг гүйцэтгэх нээлттэй эхийн кодууд, бусад SMR-ийн комьпютерт суурилсан симуляторуудыг танилцуулж, оролцогчид жишээ дасгал ажиллаж дадлагажсан байна. Оролцогчид өөрсдийн гүйцэтгэж буй судалгааны ажлын үр дүнг илтгэн хэлэлцүүлж, санал солилцжээ.